میں تنہا رہ گیا

ہر شام ہونے تک

تیرے اِنتظار میں

راہ تکتے ہوئے

میری بے چین نظریں اور

میں تنہا رہ گیا

وہ جو سانسیں

میری میراث تھیں

مجھے غیر محرم کر گئیں

رشتوں کی درجہ بندی میں

میں تنہا رہ گیا

نہ اٗمید مجھے

زمانے سے ہے

نہ اب تیرے ظرف سے

تجھے پانے کی خاطر

میں تنہا رہ گیا

مجھے رقیب کا خیال کیا

اور غیروں سےبھلا ملال کیا

خود سوال میرے دم توڑ گئے

شکست کھاتے اپنوں سے

میں تنہا رہ گیا

سّید حارث احمد

میں ڈرتا ہوں

میں  ڈرتا  ہوں

جب اندھیری رات

اور بارش کی ٹِپ ٹِپ

میرے دروازے پہ دستک د یتی ہیں

میں  ڈرتا  ہوں

جب انجان ارواح کا جُھرمٹ  سیاہ بادلوں  پہ

اذانوں کی آواز پہ

رقص کرتے ہیں

میں  ڈرتا  ہوں

جب ہوا کا زور دار جھونکا

میرے جسم سے ٹکرا کر

 پیوند کی گا نٹھ کھولتا ہے

میں  ڈرتا  ہوں

زخموں کی تڑپ

اپنے اونی کپڑوں میں

جب کوئ چھپاۓ پھرتا ہے

میں  ڈرتا  ہوں

اور اب تو کیفیت یہ ہے

 مسکراتے چہرے اور پر جوش جذبات

دیکھ  کر

میں  ڈرتا  ہوں

سّید حارث احمد

میں ملالہ ھوں

آؤ مجھے ماردو

میں ملالہ ھوں

جس نے سجاٰۓ خولب

اس اندھیرے جہاں میں

آؤ مجھے مار دو

میں ملالہ ھوں

میں بہادری کی مثال بنی

ان محصور اور محسود علاقوں میں

آؤ مجھے مار دو

میں ملالہ ھوں

جہاں اسکول خاکستر ہوگۓ

وہاں علم کی شمع جلاٰئ میں نے

آؤ مجھے مار دو

میں ملالہ ھوں

گر طاقت نہیں تھی مجھ میں

پرگل مکئ نے ہرایا تم کو

آؤ مجھے مار دو

میں ملالہ ھوں

میر ا  مقصدِ   حیات

بھلائ ہی رہے گا

آؤ مجھے مار دو

میں ملالہ ھوں

الفاظ دم توڑ گۓ

اِن شیاطین کے جہاد پہ

بس آؤ مجھے مار دو

میں ملالہ ھوں

سّید حارث احمد