Sunday 28 April 2013

نئی نسل کا شاعر



میں نئی نسل کا شاعر ہـوں
تو
کیا اسکا مطلب یہ ہے کہ
میں شاعری کے انداز بدل دونگا
یا
محبت کے جذبات کو
بناؤٹی کہہ کر
کسی نئی راہ کا تعـین کرونگا
کیا میں شاعری سے
شراب کو نکال پاؤنگا
یا
صدیوں سے محبوب و یارپہ
لکھے گئے تمام اشعار کو
منسوخ کر دونگا
یا
میں ظلم و بربریّت کے خلاف
لکھنے والے چند شعراء کو
لکھنے سے روک دونگا
میں کیا کسی نئے جذبے کی
تحقیق کر سکونگا
کیا میں بیہودہ نظم لکھنے کے لئے
کسی شاعر کو کوڑے مار پاؤنگا
کیا میں بھی حسین چہرے کی
نم آنکھیں دیکھ کر
اٗسکے غم
 صفحے پر بکھیر پاؤنگا

سّید حارث احمد

Thursday 25 April 2013

سِیاھی



عجیب اتِّفاق ہے
جب بھی کوئی نظم
ذہن میں آئے
اور
صفحے پر ناچنے کو تیار ہـو
تو قلم کی سیاھی اچانک
ختم ہـو جاتی ہے
اور
وہ نظم مجھ پہ لعن طعن کرنے کے بعد
روٹھ کر چلی جاتی ہے
اور کہتی ہے کہ
اب کبھی نہیں آؤنگی
تمہارا دیوان خالی صفحات پرہی
مشتمل رہے گا
اب میں نہیں آؤنگی۔ ۔ ۔

میں اپنے نامکمل دیوان کا قصوروار
کِسے ٹھراؤں ؟ ؟ ؟

کالی سِیاھی کو یا اپنی کالی قسمت کو

سّید حارث احمد