Wednesday 27 November 2013

غائبانہ نمازِ جنازہ


کہیں دور سے
 دھول اڑ رہی ہے
اور ہوائیں خود بخود
جگہ کا تعین کر رہی ہیں
ایک انجان سمت کی طرف بڑھ رہی ہیں
جذبات کے سمندر میں جیسے
کوئی کشتی
کسی ناخدا کے بغیر
بہت تیزی سے
فاصلہ طے کر رہی ہے
میری آنکھوں کے سامنے
آگ کا ابلتا ساگر
میرے آنسوئوں کے ڈر سے
ریت سے بجھایا جا رہا ہے
اور ایسا محسوس ہو رہا ہے
کہ
کوئی میرے پرانے بکس کے
بہت خاص
پوشیدہ حصؔے سے 
میری محبوبہ کی پھپھندی لگی
 تصویر چرا رہا ہے
شاید
کسی صاحبِ ذوق کا
غائبانہ نمازِ جنازہ پڑھایا جا رہا ہے ۔ ۔ ۔

سّید حارث احمد



Saturday 23 November 2013

For the Martyrs of ‪#‎AncholiBombBlast‬



کراچی کی سڑکوں کو
خون سے
 غسل دیا جاتا ہے
تا کہ وہ
صاحبِ حیثیت و اقتدار
لوگوں کے گزرنے کے لئے
پاک صاف ہوجائیں
اور جو لوگ
اسے پھولوں کے رس سے
دھونے کی کوشش کرتے ہیں
تو
انھیں روک دیا جاتا ہے
اور خون سے رنگی گئی سڑکیں
ہمیشہ کے لئے
یادگار کے طور پر
چھوڑ دی جاتی ہیں
تا کہ
لوگ ہمیشہ
اپنے مرنے والوں کو
یاد کر کے
روتے رہیں
اور انکی یاد میں
دیئے جلا کر
موت کے فرشتوں کو
اندھیرے میں
راستہ دکھا سکیں ۔ ۔ ۔

سیــّـد حارث احمد



Tuesday 19 November 2013

صبرِ حســـین کا بیان





صبرِ حســـین کا بیان
بہـت غم زدہ ہـــے
بہت سی حکایات اور ہدایات
پوشیدہ ہیں
حالتِ جذب میں ہیں
اور مسافتوں پر محیط ہے
ایک صدمہ
جو عنقریب اور یقینی تھا
اور جس کے لئے
مـاں نے بچپن سے
تیؔار کر رکھا تھا
اور یہ بات بتائی گئی تھی
کہ شہزادے جب تک
خـون سے غسل نہیں کریں گے
یہ جنؔت پاک نہیں ہو گی ۔ ۔ ۔ 

سیــّـد حارث احمد