میرا نام شاہ زیب خان ہے

میرا نام شاہ زیب خان ہے

میں اپنی ماں کی جان

بابا کی شان تھا

بہنوں کا لاڈلہ

اور بھائی کا راز دار

دوستوں میں اچھا دوست

رہبر ساتھی اور بھائی رہا

کبھی کرکٹ کبھی موویز

کبھی کمبائن اسٹدیز تو کبھی

درسِ قرآن بھی

یہ تھی میری زندگی کی

کہانی تھوڑی حیران سی

تھی تیّاری شریک ہونے کی

خوشیوں میں ایک دن

تو رستے میں کچھ آوارہ کتّے

کرنے لگے پریشان

جب منع کیا اٗنکو

بھونکنے سے میں نے

تو وہ بھاگ گئے

اور رات میں میری واپسی کے منتظر رہے

اور اپنے سردار کے ہمراہ

مجھ پر حملہ کر ڈالا

مجھے نوچھ نوچھ کر مار ڈالا

منصفوں سے میرا سوال ہے

اور حکرانوں سے بھی

کہ میرا گناہ کیا تھا ؟؟

مجھے ظلم کی بھینٹ چھڑھانے والے کتّے

آج بھی بے باک گھوم رہے ہیں

میری آواز دبانے والے

گلیوں میں آج بھی بھونکتے پھر رہے ہیں

مگر

 میں وہ عزّت دار

اور

با غیرت بھائی ہوں

جسکی بہن آج بھی

پاک دامن اور سرخرو ہے

دلوں میں اِس بر برّیت

کا ملال ضرور ہے

لیکن وجود فخر سے بلند ہے

یہاں عہدے اور مرتبے

بے معنے ہیں

اسکا اندازہ کوئی

میرے غیّور باپ کے دل میں

جھانک کے دیکھے

میرے قاتل آج بھی زندہ ہیں

اور شاید رہیں بھی

مگر میرا غم منانے والوں

یہ یاد رکھنا

جب تک یہ

زمیندار اور جاگیرداروں کے کتّے

حاکم رہیں گے

ہمیں اپنی عزّت کی

حفاظت کرنے کی سزا

ملتی رہے گی

اور تمھیں بھی

ڈیفینس کی سنســان گلیوں میں

مار دیا جائے گا

سیّـد حارث احمد

میرا شہــر

Poem by Syed Harris Ahmed

وہ پیاری سی بچّی

میرے پڑوس میں رہتی ہـے

ایک بڑی پیاری سی بچّی

مجھے صبح

بہت اِترا کے کہتی ہـے

آج میرے ابّو

سائیکل لائیں گے

ہم اْسکو چلائیں گے

کہیں دور

گھومنے جائیں گے

مگر جب شام آئی تو

ہماری گلی کی طرف

گاڑی کی آواز آئی

میں اپنے گھر سے  باہر نکلا

میں اْس معصوم کو کھلکھلاتا دیکھنے کیلۓ

جب آگے بڑھا تو

اٌسکی چیخ سنائی دی

میں بہت ڈر گیا کہ

ناجانے کیا ہـوگیا ہے

وہ میری طرف بھاگتی آئی

روتی بلبلاتی کہتی

انکل میرے ابّو آئیں ہیں

وہ مجھ سے کچھ نہیں کہتے

انھیں آپ کہہ دیں

مجھے خواہش نہیں کوئی

نہ سائیکل نہ کوئی گڑیا

میرے ابّو سے کہہ دیں

مجھ سے بات تو کریں

وہ چٌپ چاپ لیٹے ہیں

مجھے گلے سے لگائیں

مجھے پھر سے چٹکی بلائیں

ابھی تو بہت سی کہانیاں باقی ہیں

جو اِنکو سنانی ہیں

میں نے آج بھی ٹیسٹ میں

پہلی پوزیشن لی ہے

مجھے انعام بھی ملا ہے

ابّو آپ اٹھ جائیں

ورنہ میں یہ سب کس کو بتاؤں گی

رات میں جب مجھ کو

ڈر لگتا ہـے

وہ مجے اپنے قریب سٌلاتے ہیں

مجھے لوری سٌناتے ہیں

وہ روز صبح

اپنی ویسپا پر

مجھے اسکول چھوڑنے جاتے ہیں

مجھے اب کون چھوڑے گا

مجھے گڑیا نہیں

نہ ہی کوئی تٌحفہ چاہیۓ

مجھے میرے ابّو چاہیئں

وہ بچّی اچانک

مجھ سے روتے روتے کہتی ہے

انکل انکل ۔ ۔ ۔ ۔

اِس لال رنگ کو دھو دیں

اور

میرے ابّو کو

اِس نینــــد سے جگا دیں

  

سیّـــد حارث احمد

عِشق ممنوع ہی ممنوع ہـے

کیا بھتر اور بہلول ھمارے

اعصاب پہ قابض ہیں

ہم کیوں قید و بند میں ہیں

ودیشی کپڑے اور کھلے لہجے

ہمیں دلفریب لگتے ہیں

ننگی ٹانگیں اور کھلے بازو

ہاتھوں میں شراب

بستروں میں شباب

بوس و کنار میں ڈوبے لمحات

بہت دلکش کیوں محسوس ہوتے ہیں

رشتوں کی اہمیت کا قتلِ عام کرتے ہـوۓ

جس کام کو ہمارا معاشرہ

منسوخ کرتا ہـے

اٗس کام کو نمایاں یہ لوگ کرتے ہیں

تنگ کپڑے اور پرجوش لمحات

اِک طرف

یہ کھلے عام

بے وفائی کا درس دیتے ہیں

بھروسہ توڑنے کے لۓ

عِشق کا نام لیتے ہیں

اٗسے بدنام کرتے ہیں

اگر اپنے حّصے کی طرف

نظر کرو

ہمیں 'شمع' نظر آتی ہے

'تنہائیاں' اور 'ہوائیں' بھی

مجھے آج بھی 'دشت' و 'چاند گرھن'

اور

'ان کہی'  'نادان نادیہ'

یاد آتی ہیں

'الفا براؤ چارلی' اور 'دھواں' کی کہانی

'ہمسفر' اور 'قیدِ تنہائی

'دوراہا' کا دور آج بھی باقی ہے

جب 'قدوسی کی بیوہ' میں

حِنا آٹھ کردار نبھاتی ہے

اِس بات کی دلیل ہے

کہ

ہم آج بھی باقی ہیں

طنزو مزاح سے لیکر

رومانی افسانوں تک

انور مقصود سے لیکر بجیاء تک

قاضی واجد سے فیصل قریشی تک

روحی بانو سے

صنم بلوچ تک

ہمارا دامن آج بھی

مالا مال ہـے

تو پھر کیوں کسی 'ممنوع' اشیاء کا

استعمال کرتے ہیں

اپنے ملک کے خوبصورت لوگوں

کا قتلِ عام کرتے ہیں

ذرا  ســـــــــــــــــــــــــــــــو چیــــــــــۓ

سّید حارث احمد