میں ایک حا د ثا تی شاعر ہوں

میں ایک حا د ثا تی شاعر ہوں

جِسے ایک حسین لڑکی کی

بے وفائی نے  لکھنا سکھایا

 جِسے زمانے کے دوہرے معیار    

اور دوستوں کے غیر مروّتی رویّے نے

  مجھے لکھنا سکھایا

میں ایک حا د ثا تی شاعر ہوں

جب بھری لدی ہوئی

نیپا چورنگی جاتی ہوئی بس میں سفرکیا

تو مجھے اٗس سفر نے لکھنا سکھایا

بڑی دکانیں بڑے بڑے ہوٹل

بڑی گاڑیاں جب دیکھ کر تڑپا

تو مجھے خالی جیب نے لکھنا سکھایا

میں ایک حا د ثا تی شاعر ہوں

بہت سٌن رکھا تھا شراب کے بارے میں

مگر جب غم میں اسے دوست بنایا

تو اسکے سہارے نے مجھے لکھنا سکھایا

مشکلوں میں ڈوبتے ہوئے

جو یاد کیا کچھ قریبی لوگوں کو

انٌکے انکار نے مجھے لکھنا سکھایا

سیّد حارث احمد

صبر اور فاقے کی اصطلاحیں

صبر اور فاقے کی اصطلاحیں

شاید پہلے کچھ اور تھیں

مگر

اب تھوڑی مختلف ہیں

یہاں صبر

رونے، مرنے اور غربت پر نہیں

بلکہ

بھوک کی تڑپ پر کیا جاتا ہے

شدّت برداشت کی جاتی ہے

اور یہ سوچ کر

کہ کل اگر کوئی سبز نمبر پلیٹ والا

نامعلوم دہشت گردوں کے ہاتھ

نہیں مارا گیا تو

صبر کی ہڑتال ختم ہو گی

ورنہ

موت آۤنے تک جاری رہے گی

میری کمسن لغت میں

صبر کے معنی

فاقہ کے ہیں

سیـّد حارث احمد

فتح

ایک فتح

بہت قریب ہے

ہمارے قاضیِ اعلی نے

تمام لوٹ مار کرنے والے

معصوم حکمرانوں کو

جیل میں قید کر کے

ملک کو ذلیلوں کے خون سے

غسل دے کر

پاک کر کے

بہت اہتمام کے ساتھ

دفنا دیا

اب پھر

کسی ملِک فلاں نامی شخص کو

قاضی صاحب کا کماؤپوت لختِ جگر

بلیک میل کر کے

کروڑوں بناۓ گا

اور

پیرس کے کسی 7 اسٹار ہوٹل میں

اہلیہ کے ساتھ

چھٹیاں گزارے گا

سّید حارث احمد

تمہیں نیا سال مبارک

سڑکوں پہ لاشیں شمار  ہیں

گھروں میں ماتم اور

فضاء سوگوار ہے

پھر بھی

تمہیں نیا سال مبارک

ہے ایک طرف غم مجھے

ڈرون سے مرنے والوں کا

تو ایک طرف وجہ ہیں اپنے میر جعفر بھی

پھر بھی

تمہیں نیا سال مبارک

مذ ہبی آزادی کا قتلِ عام ہے

اپنا عقیدہ بھی بچانا یہاں حرام ہے

زائرین کو زیارت تو نہیں شہادت ملنا آسان ہے

پھر بھی

تمہیں نیا سال مبارک

ہر طرف غربت و افلاس ہے

گٗردے اور اعضاء تو دور ٹھہرے

اب تو اولاد بھی براۓ فروخت ہے

پھر بھی

تمہیں نیا سال مبارک

میں آخر کون سا غم بھلاؤں

عرفہ چلی گئی ملالہ بھی آئی زد میں

ہمارے شاہ زیب کو بھی مار ڈالا تم نے

پھر بھی

تمہیں نیا سال مبارک

مسجدیں تک ہوگئیں غیر محفوظ

بازار میں گٗم ہو گیئں رونقیں

نگاہیں نم اور دل یہاں خوف زدہ

پھر بھی

تمہیں نیا سال مبارک

یہاں دامنی کی طرح

بے شمار عزّتیں دم توڑ گئیں

اگر یہ ظلم ہے ہمارے دوست

تو انصاف کے لئے کشمیر کی بہنیں بھی ہیں منتظر

پھر بھی

تمہیں نیا سال مبارک

ناامییدی تو کٗفر ہے

شاید یہی اِک امید ہے

نئی شروعات میں بھی خون سے رنگے ہاتھ ہیں

پھر بھی

تمہیں نیا سال مبارک

سیّـد حارث احمد